काठमाडौं । राजस्व अनुसन्धान विभागले भन्सार पास भइसकेको क्विन्टल सुन बरामद गरेपछि हाल नेपाल राष्ट्र बैंकको मुद्रा व्यवस्थापन विभागको टक्सार महाशाखामा सुरक्षित राखिएको छ ।  उक्त सुन प्रकरणमा अहिले राजस्व अनुसन्धान विभागले अनुसन्धान गरिरहेको छ । 

दुईसाता बित्यो, अझै आएन ‘क्विन्टल सुन’ को तौल !

सुन भित्र्याउने समूहको गहिरो अनुसन्धानमा विभाग लागेको भए पनि बरामद सुन भने अहिलेसम्म गालिएको छैन । यसरी बरामद सुन गालेर यथार्थ जानकारी नदिँदा चौतर्फी आशंका गरिन थालिएको छ ।

‘ब्रेक सु’सहितको सुनको तौल १५५ केजी

महाशाखाले साउन ३ गते ‘ब्रेक सु’ सँगै आठवटा कार्टुन जोख्दा १५५ केजी तौल आएको थियो । ‘ब्रेक सु’ भित्र कति सुन छ भनेर अहिलेसम्म आधिकारिक तौल भने आउन सकेको छैन । यसले यो प्रकरण झन् रहस्यमय बन्दै गएको छ ।

सुन काण्डमा कसरी जोडियो महरा बाबुछोराको नाम ? 

विभागले त्यसपछि पनि रेडी ट्रेडको ‘ब्रेक सु’ राख्ने गोदाममा छापा मार्‍यो । गोदाममा सुन झिकिसकेका ‘ब्रेक सु’ फेला परेको राजस्व अनुसन्धान विभाग स्रोतले जनाएको छ । तर, यो प्रकरणको विषयमा विभागले आधिकारिक रूपमा कुनै पनि जानकारी दिएको छैन । 

क्विन्टल सुन तस्करी प्रकरण : ठमेलको एक होटेलमा सिलबन्दी

यति ठूलो संगठित अपराधमा विभागले औपचारिक जानकारी नदिनुले पनि आम जनमानसमा आशंका उब्जिएको छ । सिनामंगलबाट बरामद गरिएका सुनसहितका आठ कार्टुन ‘बे्रक सु’ टक्सारमा सुरक्षित राखिएको बताइएको छ । ती ‘ब्रेक सु’भित्र भएको सुन अहिलेसम्म गाल्ने प्रक्रिया अगाडि बढाइएको छैन । 

हङकङ भन्सारलाई नेपालको पत्र– ब्याट्री भनेर किन सुन पठाएको ? 

सुन गाल्न नयाँ मेसिन खरिद गर्दै सरकार

सुन गाल्न सरकारले नयाँ मेसिन किन्ने तयारी गरेको छ । हाल टक्सार महाशाखासँग एउटा मेसिन भएकोमा नयाँ मेसिन किन्ने तयारी थालिएको टक्सार महाशाखा स्रोतले जनाएको छ ।  एक क्विन्टल सुन प्रकरणमा राजनीतिक दलका नेताहरूको नाम जोडिन थालेपछि अहिले त्यसलाई विषयान्तर गर्न र सयम बढाउन नयाँ मेसिन खरिद गर्न लागिएको स्रोतको दाबी छ । 

सुन तस्करी प्रकरण : रेडी ट्रेडको गोदाममा छापा, एकजना पक्राउ

स्रोतका अनुसार सुन गाल्ने नयाँ मेसिन खरिद गर्ने प्रक्रिया अगाडि बढेको छ । 

“अहिले सुन गाल्ने नयाँ मेसिन किन्ने प्रक्रिया सुरु भएको छ । हामीसँग एउटामात्र मेसिन छ,” महाशाखा स्रोतले भन्यो, “यो मेसिनले सुन गाल्न समय लाग्ने भयो । त्यही भएर नयाँ मेसिन खरिद गर्न लागिएको हो ।” 

सुन तस्करी प्रकरण : भन्सारका तीन कर्मचारी निलम्बित

तर, स्रोतका अनुसार अहिले सत्ता गठबन्धनकै नेताहरूको हिमचिम सुन तस्करीसँग देखिएको खुल्न थालेपछि यो प्रकरण निष्कर्षसम्म पुग्न नसक्ने सम्भावना रहेको छ ।  “अहिले सोचेजस्तो सजिलो छैन । सुन प्रकरण राजनीतिक विषय हो । यसमा जे पनि हुन सक्छ । सुन गाल्ने कुरा पनि लम्बिन सक्छ,” स्रोत भन्छ ।

सुन तस्करी प्रकरण : अनुसन्धान गर्न पाँच सदस्यीय छानबिन समिति गठन

पछिल्लो समय नेकपा (माओवादी केन्द्र)का उप–महासचिव तथा सांसद वर्षमान पुनको नाम सुन प्रकरणमा मुछिएपछि छानबिन गर्न संसदीय समिति बनाउन माग गर्दै आएका छन् । माओवादी केन्द्रका उपाध्यक्ष कृष्णबहादुर महरा र उनका छोरा राहुलको पनि सुन तस्करीसँग कनेक्सन भएको तथ्य बाहिरिएको छ । 

'विमानस्थलभरि सुनै सुन' ! कहाँबाट आउँछ कहाँ जान्छ ?

यता नेकपा (एमाले)ले पनि सत्ता पक्षका नेता नै सुन प्रकरण मुछिएको भन्दै प्रतिनिधिसभा बैठक नै चल्न दिएको छैन ।  सुन प्रकरणलाई लिएर सत्ता पक्षकै सांसद र प्रतिपक्षका सांसदले पनि गृहमन्त्री र अर्थमन्त्रीको राजीनामा माग गरेका थिए ।

विमानस्थलबाट बरामद सुन टक्सारमा पुर्‍याइयो (तस्बिरहरू)

‘ब्रेक सु’मा सुन भित्र्याइँदा प्रमुख भन्सार अधिकृत थिए श्रीराम टण्डन, यी हुन् डिउटी अफिसर

सुन बरामद प्रकरण : एजेन्टसहित ६ जना पक्राउ

बरामद भएको ६६ कार्टुनमा पनि सुन भएको आशंका !

पदाधिकारी बैठकमा वर्षमान पुन : सुन तस्करीमा उपाध्यक्ष महरा र मेरो नाम मुछ्ने काम भयो