काठमाडौं । सरकारले ल्याएको आर्थिक वर्ष २०८०/८१ को नीति तथा कार्यक्रम प्रतिनिधिसभाबाट बहुमतले पारित भएको छ । शनिबारको बैठकबाट नीति कार्यक्रम पारित गरिएको हो ।

त्यसअघि, सांसदहरूले विभिन्न विषयमा उठाएका प्रश्नहरूको प्रधानमन्त्री पुष्पकमल दाहाल ‘प्रचण्ड’ले जवाफ दिएका थिए ।

• भारत भ्रमणमा के–के गरिन्छ ? प्रधानमन्त्री प्रचण्डले दिए जवाफ

राष्ट्रपति रामचन्द्र पौडेलले यही जेठ ५ गते नीति तथा कार्यक्रम संसद्मा प्रस्तुत गरेका थिए । ७ गतेदेखि त्यसमाथि छलफल गरिएको थियो ।

सांसदहरूले नीति तथा कार्यक्रममाथि संशोधन प्रस्ताव पनि दर्ता गराएका थिए । शनिबारको बैठकमा उक्त संशोधन प्रस्ताव निणयार्थ पेस गरिएको थियो । बैठकबाट त्यसलाई अस्वीकार गरियो ।

• नागरिकता विधेयक प्रमाणीकरण हुन्छ भन्ने विश्वास छ : प्रधानमन्त्री प्रचण्ड 

त्यसपछि नीति तथा कार्यक्रम निर्णयार्थ प्रस्तुत गरिएको थियो । लगत्तै सभामुख देवराज घिमिरेले नीति कार्यक्रम बहुमतबाट पारित भएको घोषणा गरे ।

• प्रधानमन्त्री प्रचण्डले दिए रवि लामिछानेलाई जवाफ– मुटु हल्लिएको छैन

योसँगै सरकारलाई बजेट ल्याउन मार्ग प्रशस्त भएको छ । हरेक वर्ष जेठ १५ गते सरकारको वार्षिक बजेट संसद्मा प्रस्तुत गर्नुपर्ने संवैधानिक व्यवस्था छ ।

नीति तथा कार्यक्रम राष्ट्रियसभाबाट यसअघि नै पारित भइसकेको छ ।

नीति तथा कार्यक्रम पारितसँगै प्रतिनिधिसभाको बैठक आइतबार (भोलि) दिउँसो १ बजे बस्ने गरी स्थगित गरिएको छ ।

• लिम्पियाधुरा, लिपुलेक, कालापानी नेपालको भन्नेमा सरकार प्रस्ट छ : प्रधानमन्त्री
• विदेशमा रहेका नेपालीलाई मताधिकारको व्यवस्था छिट्टै गर्छौँ : प्रधानमन्त्री
• प्रधानमन्त्रीले भने– सोसल मिडियामा अराजकता छ, फोटोहरू हेर्न नसकिने हुन्छ
• प्रचण्डको प्रश्न– प्रधानमन्त्रीमा एमालेको लगानी छ भनेर किन नमान्ने ?
• प्रधानमन्त्री भन्छन्– नीति कार्यक्रममा सम्झौताको मान्यताबाट अघि बढ्नुपर्ने बाध्यता आयो