काठमाडौं । दक्षिण भारतकी फिल्मस्टार गौतमी तडिमल्लाले उनका पति तथा बलिउड अभिनेता कमल हसनसँगकोे वैवाहिक सम्बन्ध अन्त्य गर्ने निर्णय गरेको बताएकी एनडीटिभीको अनलाइन संस्करणमा जनाएको छ । 

एक ब्लग लेख्दै गौतमीले उनको यो निर्णय एक दुःखद फैसला भएको भन्दै प्रतिभा शाली अभिनेता कमल हसनको कलाकारको रुपमा सम्मान गरिरहने बताएकी छन् ।

४८ वर्षकी गौतमी तडिमल्ला तथा ६१ वर्षीय कमल हसन करिब १३ वर्ष देखिसँगै रहेका थिए । 

उक्त अवधिमा दुबैले ‘अपूर्व सहोदरारगल’ फिल्ममा सँगै काम गरेका थिए ।

पछिल्लो पटक यी दुवै २०१५को ‘पापनाशम’ मा सँगै देखिएका थिए । 

गौतमीको यस अघि व्यवसायी सन्दीप भाटियासँग सम्बन्ध बिच्छेद भएको थियो  जसबाट उनको एक छोरी पनि रहेकी छन् ।

उता कमल हसनको पनि दुई पटक विवाह भएको छ । दोस्रो पत्नी सारिकाबाट उनका दुई छारी—श्रुती र अक्षरा छन् । दुवै अभिनय क्षेत्रमा छन् ।