काठमाडौं । पाकिस्तानको खैबर पख्तुनख्वामा भएको आतंकवादी हमलामा ३८ जनाको मृत्यु भएको छ । बिहीबार उत्तरपश्चिमी पाकिस्तानको आदिवासी क्षेत्रमा बन्दुकधारीले यात्रुवाहक गाडीमा गोली चलाउँदा कम्तीमा ३८ जनाको मृत्यु भएको हो । अन्य २९ जना घाइते भएका छन् ।

खैबर पख्तुनख्वाका मुख्यसचिव नदीम अस्लम चौधरीले आक्रमणको पुष्टि गरेका छन् । बन्दुकधारीले पाराचिनारबाट कुर्रम जाँदै गरेको गाडीलाई निसाना बनाएको उनको भनाइ छ ।

उनका अनुसार, आक्रमणमा एक महिला र एक बालकको पनि मृत्यु भएको छ । केही घाइतेको अवस्था गम्भी रहेकाले मृतकको संख्या बढ्ने देखिएको छ ।

यसअघि, मंगलबार राति खैबर पख्तुनख्वा प्रान्तको बन्नु जिल्लामा रहेको सेनाको चौकीमा आत्मघाती हमला भएको थियो । यस हमलामा १२ पाकिस्तानी सैनिक मारिएका थिए । त्यसक्रममा ६ आतंकवादी पनि मारिएका थिए ।