ट्वीटरमा भारतीय राष्ट्रपति भ्रमणको तीव्र विरोध

विशेष

reporter बुधबार, कात्तिक १७, २०७३

ट्वीटरमा भारतीय राष्ट्रपति भ्रमणको तीव्र विरोध

काठमाडौं । माइक्रो ब्लगिङ साइट ट्वीटरमा भारतीय राष्ट्रपति प्रणव मुखर्जीको नेपालको भ्रमणको तीव्र विरोध भइरहेको छ । राष्ट्रपति मुखर्जी तीनदिने भ्रमणका क्रममा आज नेपाल आएका छन् ।

राष्ट्रपति मुखर्जीको भ्रमणलाई सरकारले अत्यन्त महत्व दिएको र भ्रमणको महत्व बढाउन आज सम्पूर्ण सरकारी कार्यालय पनि बन्द राखेको छ । यो भ्रमण नेपालका लागि ठूलो महत्वको रहेको वक्तत्व समेत नेपालका परराष्ट्रमन्त्री डा. प्रकाश शरण महतले दिएका छन् । साथै प्रधानमन्त्री पुष्प कमल दाहालले पनि भ्रमणको विरोध नगर्न पत्रकारका सामू अनुरोध समेत गरेका थिए । तर सामाजिक संजालमा धेरैले नेपालीले भ्रमणको विरोध गरेका छन् र अधिकांशले नेपालमाथि गतवर्ष भारतले यहि समयमा (असोजको शुरु देखि फागुन ७ सम्म) लगाएको पाँच महिने नाकाबन्दीका कारण रोष प्रकट गरेको देखिन्छ ।

नेपाली ट्वीटर प्रयोगकर्ताहरूले ह्यास ट्याग #IndianPresidentNotWelcome प्रयोग गरी मुखर्जीको तीन दिने नेपाल भ्रमणको विरोध जनाएका हुन् । बाह्र बजेसम्ममा उक्त ह्यास ट्यागमा करिब दश हजार ट्वीट भइसकेको छ । त्यस्तै उक्त ह्यास ट्याग आज एसियामा पहिलो नम्बरमा पुगेको छ ।

गत वर्षको नाकाबन्दीले चहर्‍याएको घाउमाथी नुनचुक छर्कने गरी सरकारले मुखर्जीको स्वागतमा बुधबार सार्वजनिक विदासमेत दिनु उपयुक्त नभएको आशय ट्वीटमा व्यक्त गरिएको छ ।

ट्वीटरमा जंगी निशानी लेख्छन्– भारतले लगाएको अघोषित नाकाबन्दीलाई धन्यबाद दिन नेपालले आफ्नै जनतालाई अघोषित रूपमा आज कर्फ्यू लगाएर सलामी चढायो ।

त्यस्तै प्रदीप भट्टराई ट्वीट गर्छन्– अस्पतालमा अक्सिजन, घरमा ग्यास, एम्बुलेन्समा तेल थिएन, खाली नाकाबन्दीमात्र थियो, कसरी स्वागत गर्ने मुखर्जी तिमीलाई ?

त्यस्तै प्रकाश गुरागाइँले ट्वीट गरेका छन्– बैकल्पिक सडक होइन, आउनुस् बैकल्पिक राजनीतिक मार्ग खोजौं । अबको चुनावमा ठूला दललाई पाठ पढाउँ ।

गत वर्ष पनि #GoHomeIndianMedia, #BackOffIndia , #DonateOiltoIndianEmbassy, #ModiHimalayanBlunder , #NepalChokedByIndia जस्ता ह्यास ट्यागहरू बल्र्डवाइड ट्रेण्डिङ भएको थियो ।

भारतीय राष्ट्रपति मुखर्जी साढे बाह्र बजे नेपाल अवतरण भएका हुन् भने मुखर्जीको स्वागतार्थ सवारी चल्न नदिँदा उपत्यकाको सवारी आवागमन प्रभावित भएको छ ।

भोलिदेखि गंगालालमा अपरेसनको संख्या घटाउनुपर्ने भो, सलाइन, दबाई, धागोलगायत अरु disposables को मौज्दात सकिँदैछ ।
'भारत हाम्रो असल मित्र हो'
— रामेश (@RaameshKoirala) November 15, 2015

यी दिन देख्नु परेको थियो हामिले , गुन नभएको छिमेकीबाट):), तेसैले आज यो लेख्नु नै पर्यो #IndianPresidentNotWelcome pic.twitter.com/moVn0vGmOa
— [तुक~ ANBA] (@OkhedaShyam) November 2, 2016

Those days are still imprinted on our mind...#IndianPresidentNotWelcome pic.twitter.com/Zb6gRz1kAj
— अाकाश खनाल (@JuniorGorkhali) November 2, 2016

You Blocked Food
You Blocked Medicine
You Blocked Fuel
You Blocked Our Happiness
Now How can i Welcome You ? #IndianPresidentNotWelcome
— Madan Mani (@Aam_Nepali) November 2, 2016

भारतले लगाएको अघोषित नाकाबन्दीलाई धन्यबाद दिन नेपालले अाँफ्नै जनतालाई अघोषित रुपमा अाज कर्फ्यु लगाएर सलामी चढायो।#IndianPresidentNotWelcome
— जंगी निशान (@Janginishaan) November 2, 2016

भुकम्पको बेला तिमिल ेलगाएको नाकावन्दिले नेपालिको घाउ पुरिनलागेको थियो,फेरि बल्झियो,कसरी स्वागत गरु मुखर्जी ? #IndianPresidentNotWelcome
— pradip Bhattarai (@pradip662003) November 2, 2016

नबिर्सौं -- भारतीय नाकाबन्दीको कारण ३% [झण्डै ८ लाख] नेपाली गरिबीको रेखामुनी धकलिएका थिए https://t.co/OaiPcQvfaa #PranabDaSaySorry
— Siromani Dhungana (@siromanid) November 2, 2016

Curfew-like situation in #Kathmandu for 3 days to make @RashtrapatiBhvn's comfortable has angered people more. #Shame #PranabDaSaySorry
— bibek (@tistung) November 2, 2016