कला
![‘बर एण्ड वधु’को गीत ‘तिमी सँग’ सार्वजनिक](https://12khari.top/uploads/posts/aanchal-and-bibek-1721584612.jpg)
काठमाडौं । चलचित्र ‘बर एण्ड वधु’को पहिलो गीत ‘तिमी सँग’ सार्वजनिक भएको छ । गीतमा अञ्जु पन्त र प्रताप दासको स्वर छ । अर्जुन पोखरेलको संगीत र लेखु सहयात्रीको शब्द छ ।
गीतको भिडियोमा चलचित्रका मुख्य दुई कलाकार नायिका आँचल शर्मा र नायक विवेक कर्माचार्यलाई देख्न सकिन्छ ।
चलचित्रमा विजय लामा, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टि खड्का, हिमेश पन्तलगायत कलाकारको अभिनय छ ।
मिलन चाम्सको निर्देशनमा तयार भएको चलचित्रमा जानुका थापाको लगानी छ । अमित रिजाल फिल्मका कार्यकारी निर्माता हुन् ।
‘बर एण्ड वधु’ भदौ १४ गतेबाट रिलिज हुँदै छ ।
प्रकाशित मिति: आइतबार, साउन ६, २०८१ २३:४२
प्रतिक्रिया दिनुहोस्