काठमाडौं । खुकुरी रम उत्पादक कम्पनी द नेपाल डिस्टिलरिज् प्रालि ‘एनसेल फर बिजनेस बाह्रखरी गल्फ तथा आर्थिक परिसंवाद’ कार्यक्रमको प्रमुख साझेदार रहने भएको छ ।

बाह्रखरी मिडियाका प्रबन्ध निर्देशक ज्ञानेश्वर आचार्य र द नेपाल डिस्टिलरिज् प्रालिका प्रमुख कार्यकारी अधिकृत (सीईओ) रमेश कृष्णनन्बीच समझदारीपत्रमा हस्ताक्षर भएको छ । हस्ताक्षर समारोहमा आचार्यले खुकुरी रमसँग सहकार्य गर्न पाउँदा आफूहरुलाई खुसी लागेको बताएका थिए ।

त्यसैगरी दल नेपाल डिस्टिलरिज् प्रालिका सीईओ रमेश कृष्णनन्ले बाह्रखरीले वार्षिकरुपमा आयोजना गर्दै आइरहेको यस प्रतियोगितामा आफूहरु पनि साझेदारका रुपमा सहभागी हुन पाउँदा खुसी महसुस गरेको बताएका थिए ।

बाह्रखरी मिडियाले वार्षिकरुपमा आयोजना गर्दै आएको कर्पोरेट गल्फ प्रतियोगिता र आर्थिक परिसंवाद कार्यक्रम चैत २३ मा काठमाडौंमा गर्ने भएको छ ।