काठमाडौं । रक व्याण्ड ‘एक्सिस’ले ‘पाइला’ बोलको गीतको भिडियो सार्वजनिक गरेको छ । गीतमा बिजु कर्माचार्य र सन्दीप विश्वकर्माको संगीत, रविजंग थापाको शब्द तथा सन्दीपकै स्वर छ ।

भिडियोमा कविता नेपाली (गुरुङ) र धिरज गुरुङ फिचर्ड छन् । स्पोर्टस जानराको गीतमा कविता र धिरजलाई बक्सर प्रशिक्षकको रूपमा देखाइएको छ । भिडियोमा कविता कुशल बक्सर बन्न संघर्षरत छिन् । भिडियोमा व्याण्डका सदस्यहरूलाई पनि स्थान दिइएको छ ।

भिडियोमा व्याण्डको दृश्य निर्देशन बिजु कर्माचार्यले गरेका छन् । व्याण्डको छायांकन निश्चल श्रेष्ठले र भिडियोका कलाकारको डीओपी जेनिस महर्जनले गरेका हुन् ।

पोजेटिभ भाइब्स इन्टरटेनमेन्ट नेटवर्क (पीभीई नेटवर्क)ले निर्माण गरेको भिडियो बालाजुस्थित नेपाल चलचित्र विकास संस्थान (एनएफडीसी)को स्टुडियोमा छायांकन गरिएको ‘एक्सिस’ले जारी गरेको प्रेस नोटमा उल्लेख छ । 

भिडियोमा गौरव विष्टको सम्पादन र रंग संयोजन तथा स्टिभ देवानका प्रोडक्सन छ । भिडियो एक्सिस अफिसियल युट्युब च्यानलबाट सार्वजनिक गरिएको हो ।