site stats
बाह्रखरी :: Baahrakhari
विदेश
Global Ime bankGlobal Ime bank
Nabil Bank Banner adNabil Bank Banner ad
अस्ट्रेलियामा सन् १९९३ पछि पहिलो पटक टिटानस संक्रमणबाट एकजनाको मृत्यु

सिड्नी । अस्ट्रेलियाको न्यू साउथ वेल्स राज्यमा सन् १९९३ पछि पहिलो पटक टिटानस संक्रमणका कारण एक व्यक्तिको मृत्यु भएको छ । उक्त स्थानमा अन्य तीनजना टिटानस संक्रमित बिरामी भेटिएका छन् ।

न्यु साउथ वेल्सको स्वास्थ्य मन्त्रालयले जारी गरेको विज्ञप्तिमा सिड्नीकी ८० वर्षीया एक महिलाको गत अप्रिल १ मा टिटानसका कारण मृत्यु भएको हो । यस वर्ष न्यू साउथ वेल्समा टिटानसको अन्य दुई संक्रमित भएको सूचनापछि यो घटना सार्वजनिक भएको मन्त्रालयले जनाएको छ ।

सन् २०१९ पछि न्यु साउथ वेल्समा टिटानस संक्रमित भएको यो पहिलो घटना हो भने सन् १९९३ पछि टिटानसका कारण मृत्यु भएको यो पहिलो घटना भएको स्वास्थ्य अधिकारीले पुष्टि गरेका छन् ।

तीनै घटनामा टिटानस महिलाको तल्लो खुट्टामा लागेको सानो घाउबाट निकालिएको थियो र बगैंचाको माटोले दूषित बनाएका कारण उक्त संक्रमण भएको थियो ।

तीमध्ये दुई जना महिलासँग टिटानस खोपको कुनै रेकर्ड थिएन भने तेस्रो महिलाले ३० वर्षभन्दा पहिले खोप लगाएको बताएकी थिइन् ।

न्यू साउथ वेल्स हेल्थकी संक्रामक रोग निर्देशक क्रिस्टिन सेल्वेले समुदाय, विशेष गरी वृद्ध अस्ट्रेलियालीहरूलाई टिटनेस खोपको साथ अद्यावधिक भएको सुनिश्चित गर्न आग्रह गरेका छन् ।

“टिटानस आजको विश्वमा एक दुर्लभ तर सम्भावित घातक रोग हो । टिटानसविरुद्ध खोप नै सबैभन्दा राम्रो सुरक्षा हो,” सेल्वेले भने ।

उनले भने, “अस्ट्रेलियामा यो रोग प्रायः वृद्धवृद्धा र विशेषगरी महिलामा यो रोग देखा पर्छ । उनीहरूले खोपको मात्रा नपुर्‍याएका कारण संक्रमण देखिने गर्छ ।”

टिटानस माटोमा पाइने ब्याक्टेरिया क्लोस्ट्रिडियम टेटानीका कारण हुने गम्भीर रोग हो । ब्याक्टेरियाले घाउमा प्रवेश गरेर विषाक्त पदार्थ उत्पादन गर्न सक्छ, जसको परिणामस्वरूप गम्भीर रोग लाग्न वा मृत्यु हुन सक्छ ।

‘डिपार्टमेन्ट अफ हेल्थ एन्ड एज्ड केयर’का अनुसार टिटानस कुनै पनि उमेरका व्यक्तिमा देखा पर्न सक्छ । रासस/सिन्ह्वा

machhapuchchhre Bank banner admachhapuchchhre Bank banner ad
प्रकाशित मिति: बिहीबार, चैत ३०, २०७९  २३:११
worldlinkworldlink
प्रतिक्रिया दिनुहोस्
national life insurance newnational life insurance new
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro