काठमाडौं । नेपाली चलचित्र ‘रङ्गेली’को गीत सार्वजनिक भएको छ । ‘घामले तारा’ बोलको गीतमा निशान भट्टराई र अनु चौधरीको स्वर छ । 

हर्क साउदको शब्दरचना र सुशान्त गौतमको संगीत छ । युरोपको विश्व प्रतिष्ठित ‘बुढापेस्ट अर्केस्ट्रा’मा गीतको संगीत रेकर्डिङ भएको हो । 

फागुन २५ गते रिलिज हुने चलचित्रको गीत भिडियोमा प्रमुख कलाकारद्वय दयाहाङ राई र मिरुना मगरले प्रेमभाव देख्न सकिन्छ । 

ग्याङ्गस्टर चलचित्रमा दया र मिरुनासँगै अर्पण थापा, प्रवीण खतिवडा, रमेश बुढाथोकी, रुपेश झा, सुन्दर धिताललगायतको प्रमुख भूमिका छ ।

‘रङ्गेली’मा अर्जुन सुवेदीले लेखन तथा निर्देशन छ ।