खेल
![नामिबियाविरुद्ध कुशलको अर्धशतक](https://12khari.top/uploads/posts/Kushal-Malla-1709276739.jpg)
काठमाडौं । त्रिदेशीय शृंखलाको आफ्नो तेस्रो खेलमा नामिबियाविरुद्ध नेपालका कुशल मल्लले ५० रन पूरा गरेका छन् । शुक्रबार कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिङमा आएको नेपालबाट कुशलले ३० बलमा एक चौका र चार छक्कासहित अर्धशतक पूरा गरे ।
ट्वान्टी–२० अन्तर्राष्ट्रिय क्रिकेटमा कुशलको यो चौथो अर्धशतक हो । जारी खेलको १६.२ ओभर समाप्त हुँदा नेपालले चार विकेट गुमाएर १४८ रन बनाएको छ ।
त्यसअघि नेपालले ओपनर आसिफ सेखलाई एक रन र कप्तान रोहितकुमार पौडेललाई व्यक्तिगत १० रनमा गुमाएको थियो ।
अनिल साहलाई २३ र गुल्सन झालाई २६ रनमा गुमाएको थियो । शृंखलामा यसअघि दुई खेल खेले पनि नेपाल हालसम्म जितविहीन छ ।
प्रकाशित मिति: शुक्रबार, फागुन १८, २०८० १२:५३
प्रतिक्रिया दिनुहोस्