काठमाडौं । एन्फा महिला लिगअन्तर्गत शनिबार सशस्त्र प्रहरी बलको एपीएफ क्लब विजयी भएको छ । सातदोबाटोस्थित एन्फा कम्प्लेक्समा एपीएफले अर्को विभागीय टिम त्रिभुवन आर्मी क्लबलाई २–१ ले पराजित गरेको हो ।

एपीएफकी सविता रानामगरले पहिलो हाफको इन्ज्युरी समयमा पहिलो गोल गर्दै टिमलाई अग्रता दिलाएकी थिइन् । गीता रानाले ६७औँ मिनेटमा गरेको गोलसँगै एपीएफको अग्रता दोब्बर भएको थियो ।

आर्मीका निम्ति एक मात्र गोल विमला चौधरीले ५६औँ मिनेटमा गरेकी थिइन् ।

जारी लिगमा एपीएफको यो पहिलो जित हो । पहिलो खेलमा एपीएफ नेपाल पुलिस क्लबसँग बराबरीमा रोकिएको थियो । आर्मीले भने यसअघि संकटा क्लबलाई पराजित गरेको थियो ।

अखिल नेपाल फुटबल संघ (एन्फा)को आयोजनामा जारी लिगमा १० टिमको सहभागिता छ । हिमालयन टेली भ्वाइस