site stats
बाह्रखरी :: Baahrakhari
सम्पादकीय
Nabil BankNabil Bank
Sarbottam CementSarbottam Cement

काठमाडौं उपत्यकामा आधुनिक सहर सुहाउँदा भौतिक सुविधा छैनन् । तैपनि, उपत्यकामा जनसङ्ख्याको चाप भने सुविधाका तुलनामा बढी नै छ । विशेषगरी सार्वजनिक यातायात, स्वास्थ्य सेवा र खानेपानी सुविधामात्रका आधारमा त उपत्यका सहरोन्मुखमात्र देखिन्छ ।

भौतिक सुविधाको विस्तार र गुणस्तरमा निरन्तर सुधार अपरिहार्य भए पनि त्यसका लागि समय, स्रोत र सीप जरुरी हुन्छ । परन्तु, उपलब्ध सुविधाको उचित व्यवस्थापन गर्न भने सम्बन्धित पदाधिकारीमा इच्छाशक्ति भए धेरै समय लाग्दैन ।

काठमाडौं उपत्यकाको सार्वजनिक यातायातको भौतिक विकासका ठूला योजना गफमै सीमित भए । सुविधामा वास्तविक सुधारको लागि साझा यातायातलाई केही बस थप गर्न अनुदान दिनेबाहेक कुनै तहका सरकारले पनि केही गरेनन् भन्दा अन्याय हुँदैन ।

Prabhu Bank
Agni Group
NIC Asia

उपत्यकाको सार्वजनिक यातायात न सुरक्षित छ न सुविधाजनक नै छ । त्यसमाथि बस आउने र गन्तव्यमा पुग्ने समयको कहिल्यै टुंगो हुँदैन । सुविधाका आधारमा त काठमाडौंको सार्वजनिक यातायात मानवोचित भन्न पनि मिल्ने देखिँदैन ।

ठूला साना गरी हजारौं सार्वजनिक सवारी साधन चले पनि यात्रुको चापअनुसार व्यवस्थापन नहुँदा यातायात सेवा सधैँ अस्तव्यस्त रहन्छ । लगभग पूरै निजी क्षेत्रको  जिम्मामा छाडिएको उपत्यकाको सार्वजनिक यातायातमा प्रतिस्पर्धा पनि उत्तिकै चर्को देखिन्छ ।

Global Ime bank

पटकपटक सवारी भाडा बढाउने वा घटाउनेमा सीमित राज्यको भूमिकामा नीतिगत परिवर्तन उपत्यकाको सार्वजनिक यातायातमा सुधारको पहिलो सर्त हो । सम्भवतः स‌सारको कुनै पनि ठूलो सहरमा सार्वजनिक यातायातको व्यवस्थापनबाट राज्य यसरी पूरै पन्छिएको छैन । 

स्थानीय तहहरूले आन्तरिक यातायातमा पर्याप्त लगानी गर्नुपर्छ । संसारमा सार्वजनिक यातायात सेवा निःशुल्क उपलब्ध गराउने मुलुक र सहर बढ्दैछन् । काठमाडौं उपत्यकामा भने स्थानीय तहहरूले बस बिसौनीसम्म पनि व्यवस्थित गर्ने जाँगर देखाएका छैनन् ।

स्थानीय तहका जनप्रतिनिधिहरू सार्वजनिक यातायातमा सुधारका लागि संवेदनशील र गम्भीर हुने हो भने अहिले भएकै सवारी साधनलाई व्यवस्थित गरेर पनि सुविधा र सुरक्षा बढाउन सक्छन् । प्रदेश र संघको सरकारले आवश्यक सहयोग दिनुपर्छ ।

मेट्रो रेल, मोनो रेलका योजना बनाउँदै गरे हुन्छ । यसबीच समयमा गाडी चल्ने र बस बिसौनीमा सबैले सजिलै गाडी चड्नसक्ने, गाडीभित्र कोचिन नपर्ने र साँझ अबेरसम्म बस पाइने व्यवस्था मिलाएमात्र पनि धेरै सहज हुनेछ । ट्राफिक व्यवस्थापनदेखि सडकको भौतिक अवस्थालगायत धेरै समस्या छन् तर खासै खर्च नगरी तिनको समाधान गर्न सकिन्छ । 

इच्छाशक्ति र संवेदनशीलता भए यति व्यवस्था त काठमाडौं र ललितपुर महानगरपालिकाले नै मिलाउन सक्थे । साइकलका लागि लेन छुट्ट्याउँदामात्र पनि ललितपुरको सराहना भएको स्मरणीय छ । के काठमाडौं र ललितपुर महानगरपालिकाका जनप्रतिनिधिले यातायात सेवाको उचित व्यवस्थापन मिलाउन ध्यान देला?

NIBLNIBL
प्रकाशित मिति: आइतबार, भदौ १०, २०८०  १५:२९
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC