काठमाडौं । ललितपुरको कुपण्डोलस्थित वाग्मती किनारमा अस्ताउँदै गरेको सूर्यलाई अर्घ्य दिएर छठ मनाइएको छ । छठी माईको दर्शनका लागि प्रधामन्त्री शेरबहादुर देउवा पनि वाग्मती किनार पुगेका थिए ।

वाग्मती किनारसहित काठमाडौंका कमल पोखरी, गौरीघाटलगायतका स्थानमा पनि सृर्यलाई अर्घ्य दिएर छठ पर्व मनाइएको छ । 

कार्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजाको यो पर्व सोमबारदेखि सुरु भएको हो ।

ऐतिहासिक पौराणिक ग्रन्थ महाभारतमा उल्लेख भएअनुसार द्रोपदीसहित पाँच पाण्डव अज्ञातवासमा रहँदा उक्त गुप्तवास सफल होस् भनी सूर्यदेवलाई आराधना गरिएको थियो । त्यस समयमा पाण्डवहरू विराट राजाको दरबारमा बास बसेको उल्लेख छ । लोककथन बमोजिम सोही समयदेखि छठ मनाउने परम्पराको थालनी भएको हो ।

तस्बिरहरू : सुनिल प्रधान/बाह्रखरी