काठमाडौं । एएफसी सोलिडारिटी कप फुटबलको उपाधिका लागि नेपालले अहिले मकाउको सामना गरिरहेको छ । मलेसियाको कुचिङस्थित सारावाक रंगशालामा नेपाल र मकाउबीचको उपाधि भिडन्त सुरु भएको हो ।

नेपाल फाइनलमा मकाउलाई पराजित गर्दै एसियाली फुटबल महासंघ एएफसीले पहिलो पटक आयोजना गरेको सोलिडारिटी कपको उपाधि जित्दै घर फर्कन चाहन्छ । 

नेपाल र मकाउबीचको यो छैटौं भेट हो । यसअघि नेपाल र मकाउबीच पाँच भेट भएको छ । जसमा नेपालले तीन खेल जितेको छ भने एक खेल मकाउले बाजी मारको छ । दुई टोलीबीच एक खेल भने बराबरीमा सकिएको छ ।