काठमाडौं । नेपाली सेनाको चिकित्सकीय टोलीले म्यानमारमा भूकम्पका घाइतेको उपचार कार्य सुरु गरेको छ । यही चैत १५ गते म्यानमारमा गएको ७.७ म्याग्निच्युडको विनाशकारी भूकम्पका परी घाइते भएकाको स्वास्थ्योपचारनिम्ति नेपाली सेनाको चिकित्सकीय टोली म्यानमार गएको थियो ।

उक्त टोलीले भूकम्प प्रभावित म्यानमारको मन्डले क्षेत्रअन्तर्गत यामेथिन सहरमा मेडिकल क्याम्प स्थापना गरी प्रभावितलाई स्वास्थ्य सहायता प्रदान गरिरहेको नेपाली सेनाले जनाएको छ ।

मेडिकल सामाग्रीसहित नेपाली सेनाको २२ सदस्यीय टोली चैत २० गते म्यानमार प्रस्थान गरेको थियो । प्रमुख सेनानी रामचन्द्र श्रेष्ठको नेतृत्वमा १२ चिकित्सकीय, चारजना बन्दोबस्ती सहायता र ६ क्रु मेम्बरसहित कुल २२ सदस्यीय टोली म्यानमार गएको थियो ।

म्यानमारमा भूकम्पका कारण संरचना भत्कँदा किचिएर तीन हजार १४५ जनाको मृत्यु भइसकेको छ । चार हजार ५८९ जनाभन्दा बढी मानिस घाइते भएका छन् । २२१ जनाभन्दा बढी मानिस हराइरहेका जनाइएको छ ।

थप तस्बिर हेर्नोस्–