काठमाडौं । फोस्फिन्स्को ‘यस्तै नै होला’ गीतको भिडियो सार्वजनिक भएको छ । तीन युवाहरूको ब्यान फोस्फिन्सकै शब्द र कम्पोजिसन रहेको गीतको निर्देशन निभाल बज्राचार्यले गरेका हुन् ।

गीतको भिडियोमा दिपेन्द्र शाही, निभाल बज्राचार्य, अभिषेक पोखरेल, अमन कर्ण, प्रज्वल अर्याल र निरिता याकथुम्बा फिचर्ड छन् ।

निर्देशक बज्राचार्यकाअनुसार गीत सरकारी कार्यलयहरूमा हुने ‘भोलिवाद’प्रति व्यङ्ग्य हो । ७० को दशकदेखि अझ त्यो भन्दा पनि अगाडिदेखि चल्दै आएको सरकारी कामहरूमा ढिलासुस्ती आजसम्म पनि जस्ताको त्यस्तै रहेको उनले बताए । 

यदि यस्तै भयो भने नतिजा नकारात्मक आउने र नेपाल सधैँ पछाडि नै रहने सन्देश गीतले दिन खोजेको पनि निर्देशक बज्राचार्यले बताए । 

तीन दिनअघि फोस्फिन्स्कै युट्युब च्यानलमा रिलिज भएको गीत यो समाचार तयार पार्दासम्म युट्युबको ट्रेन्डिङ १३ मा पुगिसकेको छ ।