खेल
एजेन्सी, नर्थ साउन्ड । वेष्ट इन्डिजसँगको भ्रमणमा रहेको भारतीय क्रिकेट टिमले घरेलु टोलीबिरुद्धको पहिलो टेस्ट क्रिकेटमा एक इनिङस र ९२ रनले जित हात पारेको छ । भारतसंग नर्थ साउन्डमा भएको पहिलो टेस्टमा घरेलु टोली वेस्ट इन्डिज खेलको चौथो दिन नै एक पारी र ९२ रनले पराजित भएको हो ।
पहिलो इनिङसमा ३ सय २३ रनले पछि पार्दै फलोअनमा परेको वेष्ट इन्डिज दोस्रो पारीमा पनि २ सय ३१ रनमा समेटियो । पहिलो इनिङसमा फराकिलो अग्रता बनाएपछि भारतले वेष्ट इन्डिजलाई पुन ब्याटिङ्ग गराएको थियो ।
सर रिचार्ड्स क्रिकेट स्टेडियममा भएको खेलको दोस्रो इनिङसमा वेष्ट इन्डिजका दुई ब्याट्सम्यानले अर्धशतक बनाए । उसका कार्लोस ब्रेथवेटले ५१ तथा मार्लोन सामुअल्सले ५० रन जोडे । त्यस्तै देवेन्द्र विशुले ४५ रन बनाए । वेष्ट इन्डिजलाई सस्तैमा रोक्ने क्रममा भारतका बलर रविचन्द्रन आश्विनले उत्कृष्ट प्रदर्शन गरे । आश्विनले मात्रै ८३ रन खर्चेर सात विकेट लिए ।
यसअघि वेष्ट इन्डिजले पहिलो इनिङसमा २ सय ४३ रन बनाएको थियो । यता कप्तान विराट कोहली प्रेणित भारतले आफ्नो पहिलो इनिङसमा ५ सय ६६ रन बनाएर इनिङस समाप्तीको घोषणा गरेको थियो । पहिलो इनिङसमा फराकिलो योगफल तयार गर्ने क्रममा कप्तान कोहलीले आफ्नो टेस्ट क्रिकेटकै पहिलो दोहोरो शतक बनाएका थिए ।
यो खेल जितेसंगै चार टेस्टको श्रृँखलामा भारतले १–० को अग्रता लिएको छ ।
प्रकाशित मिति: सोमबार, साउन १०, २०७३ ०८:०३
प्रतिक्रिया दिनुहोस्