काठमाडौं । अमेरिकी राष्ट्रपति चुनावमा परम्परागत मध्यरात मतदानमा राष्ट्रपति पदका डेमोक्रेटिक उमेदवार हिलारी क्लिन्टन सुरुआती अग्रता पाउन असफल भएकी छन् ।

एक सय वा त्योभन्दा साना जनसंख्या भएका न्यु ह्याम्पसिर राज्यका साना बस्तीमा भएको मध्यरात मतदानमा डोनाल्ड ट्रम्पले हिलारी क्लिन्टनमाथि २५-३२ मतको अग्रता पाएका छन् । 

अमेरिकी समाचार संस्था युएस टुडेका अनुसार न्यु ह्यम्पसिरको सानो गाउँ डिग्जिभिल नोचमा मतदान भएकोमा ७ भोट खसेको जसमा चार क्लिन्टनको पक्षमा खसेको थियो भने दुइ ट्रम्पलाई गएको थियो । एक भोट ग्यारी जोन्सनले पाएको बताइएको छ ।

यो भन्दा अलि ठूलो गाउँ हार्ट्स लोकेसन क्षेत्रमा  क्लिन्टनले १७ र ट्रम्पले १४ मत पाएका थिए । तर अर्को गाउँ मिल्सीफिल्डमा ट्रम्पले १६ मत र क्लिन्टनले ४ मत पाएकी थिइन् ।

डिग्जिभिल नोचमा सन् १९६० बाट मध्यरातमा मतदान हुँदै आएको छ भने हार्ट्स लोकेसन क्षेत्रमा १९४८ देखि मध्यरातमा मतदान हुँदै आएको छ ।

अमेरिकाको  न्यु ह्याम्पसिर कानुन अनुसार १०० भन्दा कम भोट भएका गाउँमा मध्यरातमा मतदान सुरु हुने र  दर्ता भएका सबैले मत खसाले सकिए लगत्तै बुथ बन्द हुन्छ ।