काठमाडौं । नेपाली कथानक चलचित्र ‘जात्रा’को भिडियो गीत सार्वजनिक गरिएको छ । युट्युव च्यानलमार्फत बुधबार गीत सार्वजनिक गरिएको हो ।  ‘नोट नोट’ बोलको गीतमा हरिबंश आचार्य र शसी रावलको स्वर छ । 

हरिबंश आचार्यकै शब्द रहको गीतमा संगीत रोशन थापाले गरेका छन् । कात्तिक २६ गते रिलिज हुने ‘जात्रा’ मा विपिन कार्की, रविन्द्र सिंह बानिया, वर्षा राउतलगायतका कलाकारले अभिनय गरेका छन् । प्रदिप भट्टराईले निर्देशन गरेको चलचित्रमा रविन्द्र सिंह बानिया, सांगे लामा र यादव पौडेलको लगानी छ । 

“‘जात्रा’ जात्रै जस्तो छ,”डार्क कमेडी जनराको चलचित्र ‘जात्रा’ का निर्देशक भट्टराईले ‘जात्रा’ कस्तो चलचित्र हो भन्ने प्रश्नमा भने, “न्युरोेडका तीन व्यापारीले पैसाका लागि गरेको संघर्ष नै ‘जात्रा’को मुख्य कथा हो । वास्तविकतालाई जस्ताको तस्तै उतारिएको उतारिएको अग्र्यानिक चलचित्र हो ।”

प्रदिप भट्टराई १२ वर्षदेखि महजोडीसँगै काम गर्दै आएका निर्देशक हुन् । आचार्यले केही दिन अगाडि चलचित्र ‘जात्रा’ राम्रो रहेको बताएका थिए ।