काठमाडौं । ऋतिक रोशन अभिनित फिल्म ‘काबिल’को ट्रेलर सार्वजनिक भएको छ । यो फिल्ममा ऋतिक रोशनले एक आँखा नदेख्ने व्यक्ति रोहन भट्नागरको चरित्र निभाएका छन् । अँध्यारो जीवनका बाबजुद उनी आशावादी हुन्छन् । 

एक आँखा नदेख्ने युवतीको भूमिका निभाएकी यामी गौतम उनको जीवनबाट प्रभावित हुन्छिन् । उनी पनि सकारात्मक सोच भएकी व्यक्ति हुन्छिन् । यामी अपहरणमा पर्छिन् । यो घटनापछि ऋतिक रोशन त्यसविरुद्ध लड्ने निर्णय लिन्छन् । 

यो फिल्म सञ्जय गुप्ताले निर्देशन गरेका हुन् । यसका प्रोड्युसर राकेश रोशन हुन् । फिल्म २६ जनवरीमा रिलिज हुने बताइएको छ ।