काठमाडौं ।  आर्जेन्टिनी फरवार्ड एन्जल कोरेया पाँच खेलका लागि निलम्बनमा परेका छन् । गेटाफेसँगको खेलमा रेफ्रीमाथि दुर्व्यवहार गरेको जनाउँदै बुधबार स्पेन फुटबल संघले पाँच खेलका लागि उनलाई निलम्बन गरेको हो ।

गत साता कोरेयाले खेलको दौरान रातो कार्ड पाएपछि रेफ्रिमाथि दुर्व्यवहार गरेका हुन् ।

कोरेयालाई रातो कार्डबाट प्राप्त एक खेलसहित घरेलु क्यालेन्डरका चार खेलमा प्रतिबन्ध लगाइएको छ । ला लिगामा अब उनले बार्सिलोना, इस्पान्योल, सेभियाा र भालाडोलिडविरुद्ध खेल्न पाउने छैनन् । 

कोरेयाले अहिलेसम्म यस सिजनमा एट्टिकोका निम्ति ३८ खेल खेलिसकेका छन् । जसमा उनले सात गोल गरेका छन् ।