काठमाडौं । नेकपा (एमाले) को उच्चस्तरीय प्रतिनिधिमण्डल चीन भ्रमण गरेर स्वदेश फिर्ता भएको छ । चिनियाँ कम्युनिस्ट पार्टीको निमन्त्रणामा एमालेका वरिष्ठ उपाध्यक्ष ईश्वर पोखरेल नेतृत्वको प्रतिनिधिमण्डल आज स्वदेश फिर्ता भएको हो ।

एमाले विदेश विभागका सदस्य दीपेन्द्र श्रेष्ठका अनुसार, प्रतिनिधिमण्डल चीनको नानजिङमा भएको ‘दोस्रो ग्लोबल साउथ थिन्क ट्यांक फोरम’ कार्यक्रममा सहभागी भएको थियो । साथै, चिनियाँ कम्युनिस्ट पार्टीका शीर्ष नेताहरूसँग भेटवार्तासमेत गरेको थियो ।

प्रतिनिधिमण्डलले चीनका जाङ्सु, उहान, बेइजिङलगायत ठाउँमा भएका विभिन्न कार्यक्रममा पनि सहभागिता जनाएको थियो ।

गत कात्तिक २७ गते चीन गएको प्रतिनिधिमण्डलमा वरिष्ठ उपाध्यक्षसहित पार्टीका सचिव लेखराज भट्ट, स्थायी कमिटी सदस्य गोरखबहादुर बोगटीलगायत थिए ।