काठमाडौं । सर्वोच्च अदालतले मर्यादाक्रमका आधारमा कर्मचारीको तलब निर्धारण गर्न दिएको फैसलामा पुनरावलोकनको अनुमति दिएको छ ।

बिहीबार प्रधानन्यायाधीश प्रकाशमानसिंह राउत, न्यायाधीश कुमार चुडाल र नित्यानन्द पाण्डेयको इजलासले सरकारी कर्मचारीको तलमानबारे गत असार १० गते भएको फैसला पुनरावलोकनका लागि अनुमति दिने निर्णय गरेको हो ।

०८० पुस २६ मा निजामती सेवाका सहसचिव, उपसचिव र शाखा अधिकृतस्तरका कर्मचारीहरूले ०७९ साउन १ गतेदेखि लागु भएको तलबमानमा असहमति जनाउँदै सर्वोच्च अदालतमा रिट दायर गरेका थिए ।