काठमाडौं । सातौं संस्करणको ‘मिस्टर एण्ड मिस लिटिल कोसी’को उपाधि ‘मिस्टर’ तर्फ विराटनगरका ओसियन जंग थापा र ‘मिस’तर्फ धरानकी उपासना रमदामले जितेका छन् । 

विराटनगरमा भएको फाइनलमा विजेताले उपाधिसहित जनही ३० हजार रुपैयाँ र विभिन्न पुरस्कार प्राप्त गरे ।

जय मिडिया म्यानेजमेन्ट प्रालिको आयोजनामा भएको प्रतियोगितामा ‘मिस्टर’तर्फ विराटनगरका असिम तिम्सिना ‘फर्स्ट रनर अप’, विराटनगरका आरोहण पोखरेल ‘सेकेण्ड रनर अप’ र इटहरीका अर्मान जिमी ‘थर्ड रनर अप’ भएका छन् ।
 
‘मिस’तर्फ विराटनगरकी स्मारिका दंगाल ‘फर्स्ट रनर अप’, विराटनगरकी रियांशा सापकोटा ‘सेकेण्ड रनर अप’ र विराटनगरकी ग्रेसी कार्की ‘थर्ड रनर अप’ भएका छन् ।