काठमाडौं । आगामी पुस ४ गतेदेखि सामुदायिक फार्मेसी वा अस्पताल फार्मेसीमा कार्यरत फर्मासिष्ट र फार्मेसी सहायकले नेमट्यागसहितको सेतो एप्रोन अनिवार्य लगाउनुपर्ने भएको छ । फार्मेसी ऐन कार्यान्वयन गर्न नेपाल फार्मेसी परिषद्ले यस्तो निर्णय गरेको हो । 

परिषद्को मंसिर ४ गतेको निर्णयअनुसार फर्मासिष्टले हरियो पृष्ठभूमिमा सेतो रंगको र फार्मेसी सहायकले निलो पृष्ठभूमिमा सेतो रंगको अक्षरमा नेमट्याग लगाउनुपर्नेछ । 

ट्यागमा नाम, पद र परिषद् दर्ता नम्बर उल्लेख हुनुपर्ने परिषद्को निर्णय छ । यो आचारसंहिता पालना भए नभएको परिषद्बाट अनुगमन हुने जनाइएको छ । पालना नगरेमा परिषद्को नियमावली २०५९ परिच्छेद ३ बमोजिम कारबाही हुने परिषद्ले जनाएको छ ।