दोहा । प्यालेस्टाइन लडाकू समूह हमासले यह्या सिनवरलाई आफ्नो नयाँ नेतामा चयन गरेको छ । यसअघि हमासका नेता इस्माइल हानियाको इरानमा गएको बुधबार हत्या भएपछि सो संगठनले नयाँ नेता चयन गरेको हो ।

कतारको दोहामा दुई दिन सम्म चलेको हमासको बैठकपछि नयाँ नेता छनौट गरिएको जनाइएको छ । सिनवरलाई संगठनको सबै मामिलाको नेतृत्व गर्ने जिम्बेवारी दिइएको बताइएको छ । उनी २०१७ देखि गाजा क्षेत्रको हमासको नेताका रुपमा चयन भएका थिए । अब उनी यसको राजनीतिक विङको समेत नेता भएका छन् ।

६१ वर्षिय उनी हमासको बैठकमा एकमतले सो समूहको नेता चयन भएको बताइएको बीबीसीले जनाएको छ ।