फैजाबाद । उत्तरी अफगानिस्तानको बदख्सान प्रान्तको कोक्चा नदीमा यात्रुवाहक गाडी खसेर दुर्घटनाग्रस्त हुँदा कम्तीमा ६ जनाको मृत्यु भएको प्रान्तीय सूचना तथा संस्कृति विभागले जनाएको छ ।

विभागले जारी गरेको विज्ञप्तिअनुसार, आइतबार राति गाडी प्रान्तको राजधानी फैजाबाद सहरतर्फ गइरहेको अवस्थामा दुर्घटना भएको हो । स्थानीय बासिन्दा तथा उद्धारकर्ता घटनास्थलमा पुगी घाइतेको उद्धार गर्नुका साथै शवहरू निकालेको विज्ञप्तिमा उल्लेख छ ।

स्रोतका अनुसार, गएको साता मात्र यही क्षेत्रमा यात्रुवाहक गाडी दुर्घटना हुँदा महिला र बालबालिकासहित आठ यात्रुको मृत्यु भएको थियो । रासस/सिन्ह्वा