काठमाडौं । पछिल्ला तीन दिनमा धितोपत्र दोस्रो बजार मापक नेप्से परिसूचक समग्रमा ८.२०९ प्रतिशतले बढेको छ । सबै कम्पनीको सेयर मूल्य बढ्दा पछिल्ला दिनम समग्रमा नै बजारमा हरियाली छाएको छ । तर, बढेकै बजारमा पनि गुमाउने लगानीकर्ता धेरै छन् ।

तीन दिनको अवधिमा माण्डु हाइड्रोपावर, आँखु खोला जलविद्युत, गणपति लघुवित्तलगायत १० कम्पनीका लगानीकर्ताले सर्वाधिक गुमाएका छन् । साउन ३१ गतेपछिको तीन कारोबार दिनमा माण्डु हाइड्रोपावरको सेयर मूल्य १३ प्रतिशत अर्थात् १९४ रुपैयाँ १० पैसाले घटेको छ ।

यस कम्पनीको सेयर मूल्य साउन ३१ गते प्रतिकित्ता एक हजार ४९३ रुपैयाँ १० पैसा थियो । तर, तीन कारोबार दिनमा यस कम्पनीका लगानीर्ताले प्रतिकित्ता १९४ रुपैयाँ १० पैसा गुमाएका छन् । बिहीबार यस कम्पनीको सेयर मूल्य प्रतिकित्ता एक हजार २९९ रुपैयाँ कायम भएको छ ।

त्यसैगरी, तीन दिनमा आँखु खोला जलविद्युत् कम्पनीको सेयर मूल्य प्रतिकित्ता १०.५ प्रतिशतले घटेको छ । असार ३१ गते प्रतिकित्ता २२० रुपैयाँमा कायम भएको यस कम्पनीको सेयर मूल्य बिहीबार प्रतिकित्ता १९६ रुपैयाँ ९० पैसा कायम भएको छ ।

तर, बजार बढ्दा २४ प्रतिशतसम्म सेयर मूल्य बढेको छ । मन्दकिनी हाइड्रोपावरको सेयर मूल्य तीन दिनमा २३.८९ प्रतिशतले वृद्धि भएको छ ।

त्यसैगरी तीन दिनमा युनिलिभर नेपालको सेयर मूल्य प्रतिकित्ता पाँच हजार १७२ रुपैयाँले बढेको छ । युनिलिभरको सेयर मूल्य बिहीबार प्रतिकित्ता ५२ हजार ५०० रुपैयाँ कायम भएको छ ।

बजार बढ्दा पनि सेयर मूल्य घट्ने १० कम्पनी :