काठमाडौं । नेपालको अग्रणी कम्पनी सुजल फुड्स प्रा लि. ले बजारमा आफ्नो नयाँ उत्पादन डिलाइट डेरी व्हाइटनर पाउडर दूध बजारमा ल्याएको छ ।

देशको विभिन्न स्थानबाट संकलित दूधलाई नवीनतम् तथा उच्च प्रविधि तथा मेसिनरीको सहायताबाट गुणस्तर मापन गरी 'डिलाइट–डेरी व्हाइटन' तयार पारिएकाले यो शतप्रतिशत अन्तर्राष्ट्रियस्तरको स्वदेशी उत्पादन भएको सुजलले उल्लेख गरेको छ । अन्य पाउडर दूधको तुलनामा यो बाक्लो रहेको कम्पनीले जनाएको छ ।

यसको अत्याधुनिक ‘अल्ट्रा ड्राईङ स्प्रे प्रविधि’ले समान मिश्रण कायम गरी मन तातो पानीमा तुरुन्तै घुल्ने गरी तयार पारिएको छ । आधुनिक मेटालिक प्याकेजिङका कारण यो पाउडर दूध १२ महिनासम्म ढुक्क भई प्रयोग गर्न सकिने कम्पनीले उल्लेख गरेको छ । 

 डिलाइट डेरी व्हाइटनर बाक्लो क्रिमि र स्वादिष्ट छ । गाई र भैँसीको दूधको प्राकृतिक तत्व र पोषिलो स्वादले भरिपूर्ण यो पाउडर दूध चिया, कफीका साथै अन्य दूधका परिकारहरूलाई अझै स्वादिष्ट बनाउन प्रयोग गर्न मिल्ने कम्पनीको भनाइ छ ।

डिलाइट डेरी व्हाइटनर नेपालभरी भाटभटेनी, सेल्स बेरी, बिजमार्ट जस्ता प्रमुख स्टोरहरू, विभिन्न किराना पसलहरू र अनलाइन सपिङ साइटहरूमा उपलब्ध हुने बताइएको छ ।