काठमाडौं । उद्योग, वाणिज्य तथा आपूर्तिमन्त्री दामोदर भण्डारीले दैनिक आायत गरिने सुनको कोटा बढाउन सरकार तयार रहेको बताएका छन् । नेपाल रत्न तथा आभूषण संघको १९औँ वार्षिक साधारणसभामा शनिबार काठमाडौंमा उनले यस्तो बताएका हुन् ।

हाल नेपाल राष्ट्र बैंकले दैनिक आयात गरिने सुनको कोटा २० केजी पुर्‍याएको छ । वाणिज्य बैंकहरूले प्रतिदिन २० केजी सुन आयात गर्न पाउँछन् । तर, आवश्यक परेको भए प्रतिदिन ४० केजीसम्म सुनको कोटा बढाउन सकिने उद्योगमन्त्री भण्डारीले बताए ।

मन्त्रालय सुनको कोटा प्रणालीलाई संशोधन गरेर जान तयार रहेको उनले उल्लेख गरे । उनले गरगहना क्षेत्रको रोजगारी र व्यवसाय जोगाउन सरकार प्रतिबद्ध रहेको बताए । न्युज एजेन्सी नेपाल