![साविक उपविजेता जोकोभिच तेस्रो चरणमा](https://12khari.top/uploads/posts/Novak-Djokovic-1720165605.jpg)
काठमाडौं । साविक उपविजेता नोभाक जोकोभिच वर्षको तेस्रो ग्रान्डस्लाम विम्बल्डनको तेस्रो चरणमा प्रवेश गरेका छन् । बिहीबार सेन्टर कोर्टमा भएको खेलमा बेलायतका जाकोभ फियर्नलीविरुद्ध चौथो सेटमा जित निकाल्दै जोकोभिचले तेस्रो चरणमा स्थान सुनिश्चित गरेका हुन् ।
सर्बियन स्टार जोकोभिचले पहिलो र दोस्रो सेट क्रमशः ६–३, ६–४ ले जितेका थिए । तर, तेस्रो सेटमा फियर्नलीले ७–५ को जित निकालेपछि खेल चौथो सेटसम्म लम्बिएको हो । तीन घण्टासम्म चलेको खेलको चौथो सेट ७–५ ले जितेसँगै विश्व वरीयताको दोस्रो स्थानमा आसिन जोकोभिच तेस्रो चरणमा प्रवेश गरेका हुन् ।
जोकोभिचले अब प्रतियोगिताको चौथो चरणमा प्रवेशका लागि अस्ट्रेलियाका एलेक्सिया पोपीरिनसँग खेल्नेछन् । एलेक्सियाले दोस्रो चरणमा अर्जेन्टिनाका थोमस मार्टिन एचेभेरीविरुद्ध पाँच सेटमा जित निकाल्दै तेस्रो चरणमा स्थान बनाएका हुन् । एचेभेरीवरुद्ध पोपीरिनले ३–६, ६–४, ४–६, ६–४ र ६–३ को सेटमा जित निकालेका हुन् ।
बिहीबार नै विश्व वरीयताको ११औँ स्थानमा स्टेफानोस सित्सिपासले पनि तेस्रो चरणमा स्थान बनाएका छन् ।
![Global Ime bank](https://baahrakhari.com/uploads/bigyaapan/30885600.gif)