काठमाडौं । राकुराले आफ्नो पाँच दशकभन्दा बढीको अनुभवमा आधारित नेक्स्ट जेनरेसन चिया उत्पादन सार्वजनिक गरेको छ । यो उत्पादनले नेपालको चिया उद्योगमा नयाँ मापदण्ड स्थापित गर्नुका साथै विश्वमा नेपाली चियालाई नयाँ उचाइ दिने गरी फड्को मारेको कम्पनीको भनाइ छ ।
राकुराले सार्वजनिक गरेको ‘म्याजिक नट’ टी–ब्याग विश्वकै पहिलोमध्ये एक अत्याधुनिक ‘ट्यान्डेम एयर–नटेड’ प्रविधि प्रयोग गरेर बनाइएको कम्पनीले जनाएको छ ।
यो नयाँ गैरताप सिल (नन हिट सिल) गरिएको, दुई खण्ड भएको चियाको थैलीको डिजाइन विश्वकै पहिलोमध्ये एक र नेपालको एक मात्र पूर्ण प्लास्टिक र ग्लुमुक्त टी–ब्याग हुनेछ । उक्त प्रविधि र नयाँ अत्याधुनिक, अनब्लिच्ड फिल्टर कागजले नयाँ उत्पादनलाई उत्कृष्ट स्वच्छ स्वादको चिया अनुभव प्रदान गर्छ ।
म्याजिक नट चियाको थैलीमा विश्वकै पहिलो प्रमाणित जैविक, अनब्लिच्ड धागोजस्ता नवीनता पनि समावेश छन् ।
राकुराले पछिल्लो जुस रड्स प्रविधिको विकासका साथ आफ्ना सबै चियालाई विश्वकै पहिलोमध्ये एक पूर्ण प्राकृतिक तथा प्रमाणित जैविक, चिया इन्फ्युजन मात्र हुने पनि घोषणा गरेको छ ।
कम्पनीले २१ नयाँ प्रकारका चिया पनि उत्पादन गरेको छ । नेपालको चिया उद्योगका लागि सधैँ नयाँ आयाम खोल्ने इतिहास कम्पनीले राखेको राकुराका प्रबन्ध निर्देशक नीराज राठीले बताए ।
मूल्य र उपलब्धता
राकुरा नेक्स्ट जेनेरेसन चियाको थैलीहरू क्लासिक, प्रिमियम, प्राकृतिक चिया र जडीबुटी इन्फ्युजन्स साथै सेलेक्सन श्रेणीमा उपलब्ध हुनेछ, जसको मूल्य भेरियन्टको आधारमा प्रतिप्याकेट १७९ देखि २७९ रुपैयाँसम्म हुनेछ । यी चिया आउँदो हप्तादेखि काठमाडौंका सबै प्रमुख पसलहरू, मार्टहरू र सुपरमार्केटहरूमा खरिदका लागि उपलब्ध हुने कम्पनीले जनाएको छ ।
एक महिनाभित्र देशभर उपलब्ध हुनेछ । अनलाइन उपलब्धता आउँदो महिनाहरूमा सुरु हुने कम्नीले जनाएको छ ।
सन् १९७३ मा स्थापित राकुरा समूह नेपालमा चियाको सबैभन्दा पुरानो निर्यातकर्ताका रूपमा चिनिन्छ । अग्रणी उत्पादक राकुराले राम्रो चिया र प्रस्तुतिका निम्ति पनि ख्याति कमाएको छ ।