काठमाडौं । सिप्रदी कम्पनीको सामाजिक उत्तरदायी संस्था सिप्रदियन सहायता संस्था र चन्द्रागिरि नगरपालिका वडा नम्बर १४ बीचको सहकार्यमा ८० घण्टाको नि:शुल्क डेक्स्टप सपोर्ट तालिम कार्यक्रम सम्पन्न भएको छ ।

जेठ १९ गतेदेखि सुरु भएको नि:शुल्क तालिममा चन्द्रागिरि नगरपालिकाका ३२ प्रशिक्षार्थीले कम्प्युटर हार्डवेयर मर्मत, सफ्टवेयर इन्स्टलेसन, प्रिन्टर सेटिङ, बेसिक नेटवर्किङ, इमेल/इन्टरनेट र आर्टिफिसियल इन्टेलिजेन्ट सम्बन्धी तालिम पाएका छन् ।

तालिममा सिप्रदियन सहायता संस्थाले सबै आर्थिक, प्राविधिक, प्रशिक्षणलगायत भौतिक पूर्वाधारका लागि स्थायीरूपमा चन्द्रागिरि नगारपालिका वडा कार्यालयलाई दुई लाख ५० हजार रुपैयाँ बराबरको आर्थिक सहायता हस्तान्तरण गरेको बताएको छ ।

तालिको अन्तिम दिन आयोजित कार्यक्रममा चन्द्रागिरिका नगरप्रमुख घनश्याम गिरीले यस्ता कार्यक्रमले नगरमा रोजगारी सिर्जना गरी सामाजिक विकास गर्ने टिप्पणी गरे ।

यस्तै, वडा नम्बर १४ का वडा अध्यक्ष राजभाई महर्जनले यस किसिमको तालिमले स्थानीय सरकार, सार्वजनिक निजी साझेदारीको प्रबर्धन हुने बताए ।