काठमाडौं । लागुपदार्थविरुद्ध जागरणका लागि दौड प्रतियोगिता हुने भएको छ । मिरा राई इनिसियटिभको सहकार्यमा होप फाउन्डेसन नेपालले यही असार २२ गते पाँच किलोमिटर यात्राको दौड प्रतियोगिता आयोजना गर्न लागेको बताइएको छ । 

लागुपदार्थ दुर्व्यसनीबारे जनचेतना जगाउने र स्वस्थ जीवनशैली प्रोत्साहन गर्ने उद्देश्यले प्रतियोगिता आयोजना गर्न लागिएको होप फाउन्डेसनका अध्यक्ष राजीव  थापाले बताए । 

सहभागिताले खुला र विद्यार्थी वर्गमा निःशुल्क दर्ता गर्न सक्ने आयोजकले जनाएको छ । विजेताले ५० हजार बराबरको नगद पुरस्कार प्राप्त गर्नेछन् । 

आज काठमाडौंमा युवाहरूलाई लागुपदार्थ दुर्व्यसनीबाट बचाउन जनचेतना फैलाउने कार्यक्रमको आयोजना गरिएको छ ।