ललितपुर । पाटनको मोक्षको हलमा आइतवार साँझ परिजिता बास्तोलाले गीत गाउँदै गर्दा धेरै भन्दै थिए– आज म काठमाडौँ मा होइन, न्युयोर्कमा छु जस्तो लागिरहेको छ । ह्विट्नी ह्युस्टन वा सेलिन डिओनको कन्सर्टमा छु जस्तो लागिरहेको छ । 

परिजिता नेपाली मुलकी अमेरिकी हुन् । सन् २०२२ मा एनबीसी टेलिभिजनले आयोजना गरेको सांगीतिक शोमा सहभागी भएकी हुन् । 

उनले आफ्नो पहिलो भ्रमणको अवसरमा सांगीतिक प्रस्तुति दिएकी हुन् । उनले गाएका १८ गीतमा अधिकांश अंग्रेजी गीत थिए । उनले बिपुल क्षेत्रीको ‘सिन्डिकेट’ र नारायण गोपालको ‘केही मिठो बात गर’ बोलको गीत पनि गाइन् । 

उनको पुर्ख्यौली घर झापा हो । 

तस्बिरहरू : विकास रौनियार