काठमाडौं । नेपाली कथानक चलचित्र ‘खुस्मा’ले प्रचारलाई तीव्र पारेको छ । यसैक्रममा निर्माणपक्षले दुई नयाँ पोस्टर रिलिज गरेको छ । 

अशोक थापा मगरको लेखन तथा निर्देशन रहेको चलचित्रका मुख्य कलाकार पोस्टरमा फिचर्ड छन् । 

एउटा पोस्टरमा कलाकार धीरज मगर तथा उपसना सिंह ठकुरीलाई रोमान्टिक मुडमा देखाइएको छ । अर्कोमा उपसना मात्र फिचर्ड छिन् । जसमा उनी चिन्तित भावमा देखिएकी छन् । 

मगर समुदायको पृष्ठभूमिमा बनेको चलचित्र प्रेमकथा पेस गर्ने निर्देशक थापा मगरको भनाइ छ । 

असोज ३ गते रिलिज हुने चलचित्रमा धीरज र उपासनासँगै माओत्से गुरुङ, खड्गबहादुर पुन, सुजाता राई, विजय संयोक सुब्बालगायत कलाकारको अभिनय छ ।