काठमाडौं । अन्तर्राष्ट्रिय नेपाली कलाकार समाज इनास अवुधावीले ‘इनास म्युजिकल धमाका सिजन–२’ सम्पन्न गरेको छ । 

कार्यक्रममा दुबईका लागि नेपाली राजदूत तेजबहादुर बिष्टले इनास अबुधावीले नेपाली कला र संस्कृतिको प्रवर्द्धनका लागि यस किसिमको कार्यक्रम आयोजना हुनु सकारात्मक भएको बताए । 

इनास नेपालका अध्यक्ष एवम् ग्लोबलका मिडिया प्रमुख दयाराम पाण्डेयले इनास अबुधाबी यूएईको टिमको एकता र कामप्रतिको लगावको प्रशंसा गर्दै अन्य मुलुकमा रहेका इनासका च्याप्टरले पनि यसबाट धेरै कुरा सिक्नुपर्ने बताए ।

इनास अबुधावीले गत वर्ष इनास धमाका–१ आयोजना गरेको थियो । अर्को वर्ष इनास धमाका–३ को आयोजना गर्ने घोषणा गरेको छ ।