काठमाडौं । दयाहाङ राई र मिरुना मगर अभिनित चलचित्र ‘घरज्वाइँ’ले आफ्नो नयाँ गीत रिलिज गरेको छ । शुक्रबार चलचित्रको ‘बिन्जुरी’ बोलको गीत सार्वजनिक भएको हो ।

गीतमा एसडी योगीको संगीत र स्वर छ । प्रेमिल गीतमा शब्द रचना राम अविरल विष्टको छ । बिन्जुरीको अर्थ फूल हो । गीतमा प्रमुख अभिनेत्री मिरुनाप्रति दयाहाङ प्रेम आकर्षणलाई देखाइएको छ ।

अनिल बुढामगरले निर्देशन गरेको चलचित्रमा ‘घरज्वाइँ’मा दयाहाङ र मिरुनासँगै बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन, राज थापा, कविता आलेलगायत कलाकारको अभिनय रहेको छ ।

चलचित्र असार २८ गते रिलिज हुँदै छ ।