काठमाडौं । नेपाली कथानक चलचित्र ‘लन्डन टु पेरिस’को नयाँ गीत ‘हतारले’ सार्वजनिक भएको छ । प्रदर्शनरत चलचित्रको गीत मंगलबार युट्युवमार्फत रिलिज गरिएको हो । 

सार्वजनिक गीतमा सलिन मगरको शब्द, संगीत र स्वर छ । गीतमा मुख्य चार कलाकार निश्चल खड्का, कवीर खड्का, गरिमा शर्मा र रुष्मा थापा फिचर्ड छन् ।

‘लन्डन टु पेरिस’ गत शुक्रबारबाट हलमा प्रदर्शन भइरहेको छ । 

घनश्याम लामिछाने निर्देशित चलचित्रमा ट्राभल लभस्टोरी छ । चलचित्रको कथा, पटकथा र संवाद प्रदीप भारद्वाजले लेखेका छन् ।