काठमाडौं । नेपाली कथानक चलचित्र ‘सतीदेवी’को टिजर सार्वजनिक गरिएको छ । मलिका महत शीर्ष भूमिकामा रहेको चलचित्रको टिजरले सिनेमाले उठान गर्ने कथावस्तु बुझाउने प्रयास गरेको छ । 

छोराको आशामा छोरी जन्माइरहने समाजको मनोविज्ञान सिनेमाको मुख्य कथा भएको टिजरले संकेत गरेको छ । 

चलचित्रमा लेखन तथा निर्देशन लक्ष्मण सुवेदीको छ । चलचित्रमा मलिकासँगै हर्षिका वली, भोलाराज सापकोटा, मञ्जिला बानियाँ, सन्दीपबाबु लोहनी, रमेश बुढाथोकी, कुलबहादुर अधिकारीलगायत कलाकारको अभिनय छ ।

श्रीदेवी, विशाल, दिलासा र सारा सुवेदी चलचित्रका निर्माता हुन् । ‘सतीदेवी’ साउन ४ गतेदेखि प्रदर्शनमा आउनेछ ।