![अफगानिस्तानमा सामूहिक कुटपिटको घटनाप्रति राष्ट्रसंघद्वारा चासो व्यक्त](https://12khari.top/uploads/posts/UN-1715169916.jpg)
काबुल । संयुक्त राष्ट्रसंघले बुधबार अफगानिस्तानमा दर्जनौँ मानिसहरूलाई सामूहिक कुटपिट गरिएको भन्दै तालिबान अधिकारीहरूलाई यो अभ्यास अन्त्य गर्न आह्वान गरेको छ ।
अफगानिस्तानमा संयुक्त राष्ट्रसंघीय मिसन (यूएनएएमए) ले उत्तरी सारिपुल प्रान्तमा मंगलबार करिब ६३ जनालाई कोर्रा प्रहार (कडा सजाय) गरी सार्वजनिक रूपमा कुटपिट गरिएको जनाएको छ ।
“यूएनएएमएले शारीरिक दण्डको निन्दा गर्दछ र अन्तर्राष्ट्रिय मानव अधिकार दायित्वहरूको सम्मान गर्न आह्वान गर्दछ,” मिसनले एक्समा पोस्ट गरिएको एक विज्ञप्तिमा उल्लेख गरेको छ ।
सन् २०२१ अगस्टमा सत्तामा फर्किएपछि तालिबान अधिकारीहरूले इस्लामिक कानुन शरियाको पुन व्याख्या गरेका छन् ।जनताले सार्वजनिक मृत्युदण्ड र शारीरिक यातनाहरू भोगिरहेका छन् । चोरी, व्यभिचार र रक्सी सेवनजस्ता अपराधका लागि तालिबान सरकारले कोर्रा प्रहार गर्ने गरेको छ । रासस/एएफपी