काठमाडौं । नेपाली कथानक चलचित्र ‘आचार्य’को ट्रेलर सार्वजनिक भएको छ । १३ वर्षपछि पुनः प्रदर्शनमा आउन लागेको चलचित्रको ट्रेलर सार्वजनिक गरिएको हो । 

ट्रेलरमा भक्तराजको बाल्यकालीन अवस्था, गायनप्रतिको मोह र यसका लागि गरेको संघर्ष, प्राप्त उपलब्धि तथा गाउन नसक्ने अवस्थामा आउँदासम्मको गतिविधि समेटिएको छ । 

गायक तथा संगीतकार भक्तराज आचार्यको जीवन संघर्षमा आधारित बायोपिक मुभी ‘भक्तराज’ असार ७ गतेबाट प्रदर्शनमा आउँदै छ ।   

१३ वर्ष अगाडि रिलिज भएको चलचित्र नयाँ पुस्तालाई पुनः देखाउने उद्देश्यले प्रदर्शन गर्न लागिएको हो । प्रशान्त रसाइलीले निर्देशन गरेको सिनेमा भक्तराजका छोरा सत्यराज आचार्य मुख्य भूमिकामा छन् । 

सत्यराजसँगै सुनील पोखरेल, दयाहाङ राई, अरुणा कार्की, विपीन कार्कीलगायत कलाकार मुख्य भूमिकामा छन् । यो सिनेमाले १३ वर्ष अगाडि राम्रो समीक्षा पाएको थियो ।