काठमाडौं । उपप्रधान एवं गृहमन्त्री रवि लामिछानेले आफूले कसैलाई कुनै आरोप नलगाएको स्पष्टीकरण दिएका छन् । संसदीय छानबिन समिति बनाउने विषयमा पनि आफूहरूको कुनै आपत्ति नभएको उनले बताएका छन् ।
सञ्चारमाध्यममा प्रकाशित केही समाचार आफूले प्रतिनिधिसभा बैठकमा पढेर मात्र सुनाएको सोमबार उनले सामाजिक सञ्जाल एक्समा उल्लेख गरेका छन् । तर, त्यही विषयलाई आफूले कोही कसैमाथि आरोप लगाएको भनिएको भन्दै लामिछानेले असन्तुष्टि व्यक्त गरेका हुन् ।
“...सारचाहिँ यत्ति नै हो, समाचार त के–के आयो आयो,” उनले लेखेका छन् ।
मैले के भनें भनेर पनि फेरि भन्नू पर्ने कस्तो आश्चर्य:
शैली त मेरो त्यस्तै उस्तै हो। भनेको चाहिँ के भने,
१) मैले कसैलाई कुनै आरोप लगाएको छैन। मिडियामा आएकै आधारमा समिति बनाउने र अझ ब्यक्ति केन्द्रित समिति बनाउने हो भने त यी यस्ता यस्ता समाचारपनि त आएका छन् नी भनेर केही…— Rabi Lamichhane (@hamrorabi) May 20, 2024
यसअघि, प्रमुख प्रतिपक्ष दल नेपाली कांग्रेसले गृहमन्त्री लामिछानेले आफ्ना नेताहरूमाथि आरोप लगाएको भन्दै त्यो प्रमाणित गर्न चुनौती दिएको थियो । त्यसबारे छानबिन गरी प्रमाणित गर्न सोमबार बसेको संसदीय दलको बैठकबाट चुनौती दिइएको हो ।
“उहाँ (रवि लामिछाने)ले हिजो (आइतबार) जसरी नेपाली कांग्रेसलाई लाञ्छित गर्नुभयो, जसरी कांग्रेसका नेताहरूमाथि प्रश्न उठाउनुभएको छ, हामी चुनौतीपूर्वक भन्न चाहन्छौँ– तपाईं छानबिन गर्नुस्, अनुसन्धान गर्नुस् र प्रमाणित गर्नुस् । सरकारको यो काम हो, प्रश्न सोध्ने काम होइन,” प्रमुख सचेतक रमेश लेखकले भने ।
-1716278128.jpg)
-1723532556.jpg)
-(1)-1723345266.jpg)
