site stats
बाह्रखरी :: Baahrakhari
राजनीति
Global Ime bankGlobal Ime bank
Nabil Bank Banner adNabil Bank Banner ad
शोक प्रस्ताव पारित गरेर प्रतिनिधिसभा बैठक स्थगित 

काठमाडौं । राष्ट्रिय प्रजातन्त्र पार्टी (राप्रपा)का सांसद दीपक बोहोराको निधनप्रति संसद्ले शोक प्रस्ताव पारित गरेको छ । काठमाडौंको ओम अस्पतालमा उपचारको क्रममा मंगलबार निधन भएका बोहोराको निधनप्रति शोकप्रस्ताव पारित गरी प्रतिनिधिसभा बैठक स्थगित भएको हो ।

यो चालु हिउँदे अधिवेशनको अन्तिम बैठक हो । मंगलबार राति १२ बजेबाट हिउँदै अधिवेशन अन्त्य हुँदै छ । 

कोरोनापछि बोहोराको घाँटीमा समस्या आएको थियो । ७४ वर्षको उमेरमा निधन भएको हो । 

बोहोरा ०७९ को निर्वाचनमा रूपन्देही क्षेत्र नम्बर–३ बाट निर्वाचित भएका थिए । उनले नेपाली कांग्रेसका नेता बालकृष्ण खाँणलाई पराजित गरेका थिए । 

बोहोरा ०३८ सालमा पञ्चायती व्यवस्थामा पहिलोपटक बालिग मताधिकारका आधारमा भएको राष्ट्रिय पञ्चायत निर्वाचनमा रूपन्देहीबाट सदस्य निर्वाचित भएका थिए । उनी ०४३ मा पनि रूपन्देहीबाट राष्ट्रिय पञ्चायत सदस्यमा निर्वाचित भएका थिए ।

उनी ०७० सालमा संविधानसभाको दोस्रो निर्वाचनमा रूपन्देही–२ बाट निर्वाचित भएका थिए । ०३८ सालमा पहिलोपल्ट सहायक मन्त्री बनेका थिए । त्यसपछि राज्यमन्त्री हुँदै मन्त्री बनेका थिए । उनी ०४०, ०४३, ०४४, ०६७, ०७२, ०७३ र ०७४ मा मन्त्री बने ।
 

NIBLNIBL
प्रकाशित मिति: मंगलबार, चैत १९, २०८१  १२:४७
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
हेलचेक्य्राइँको दोषी को ?
हेलचेक्य्राइँको दोषी को ?
Hamro patroHamro patro