काठमाडौं । देशका केही भूभागमा आज हिमपात भए पनि वर्षाको सम्भावना भने छैन । 

देशभर मौसम आंशिक बदलीदेखि मुख्यतया मौसम सफा रहनेछ । 

कोसी र गण्डकी प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको जल तथा मौसम विज्ञान विभागले जनाएको छ । 

“आज देशका धेरै स्थानमा बादल लाग्नेछ । तर, बादल लागे पनि वर्षा हुने छैन,” मौसमविद् गोविन्द झाले बाह्रखरीसँग भने, “कोसीदेखि लुम्बिनी प्रदेशसम्म बादल लाग्नेछ । मौसममा बदली हुनेछ तर, वर्षा हुने छैन ।” 

हाल देशमा पश्चिमी र स्थानीय वायुको आंशिक प्रभाव रहेको छ । आंशिक प्रभाव रहेका कारण बादल लागे पनि वर्षा हुन नसकेको हो । 

पश्चिमी र स्थानीय वायुको उच्च प्रभाव भएको खण्डमा भने वर्षाको सम्भापना हुन्छ । 

काठमाडौंमा पनि आज वर्षाको सम्भावना छैन । मौसमविद् झाका अनुसार कामाडौंका आज अधिकतम तापक्रम २६ देखि २८ डिग्री सेल्यिसको बीचमा रहनेछ ।