![एमाले पर्वत अध्यक्षमा पहाडी](https://12khari.top/uploads/posts/p-1712989729.jpg)
काठमाडौं । नेकपा (एमाले) पर्वत अध्यक्षमा गोविन्द पहाडी निर्वाचित भएका छन् । उनले पदमपाणी शर्मालाई पराजित गरेका हुन् ।
शुक्रबार भएको निर्वाचनमा पहाडीले २२८ मत प्राप्त गरे । शर्माले १२७ मत ल्यााए ।
उपाध्यक्षमा विमल लामिछाने २१७ मतसहित निर्वाचित भए । १८८ मतसहित सुवासचन्द्र पौडेल सचिवमा निर्वाचित हुँदा उनका प्रतिष्पर्धी शिवप्रसाद पौडेलले १७२ मत पाए । उपसचिव खुलामा चण्डीप्रसाद भुर्तेलले जीवनविक्रम उचैलाई पराजित गरे। भुर्तेलले १८८ र उचैले १७२ मत प्राप्त गरेका थिए ।
महिलातर्फ उपसचिवमा विन्दु अधिकारी २१६ मतसहित विजयी बनिन् । प्रतिष्पर्धी सरिता भण्डारीले १४५ मत पाइन् ।
निर्वाचित पदाधिकारीलाई कानुनमन्त्री पदम गिरीको साथ थियो । अध्यक्षमा पराजित शर्मा प्यानललाई उपमहासचिव पृथ्वीसुब्बा गुरुङ र निवर्तमान राष्ट्रियसभा अध्यक्ष गणेश तिमिल्सिनाले साथ दिएका थिए ।