काठमाडौं । चलचित्र ‘पुजार सार्की’मा अभिनेता प्रदीप खड्काको क्यारेक्टर लुक्स सार्वजनिक भएको छ । निर्देशक दिनेश राउतले प्रदीपलाई जन्मदिनको शुभकामना दिँदै चलचित्रमा रहेको प्रदीपको लुक्ससहितको तस्बिर सार्वजनिक गरेका हुन् । 

यो सिनेमामा पनि प्रदीप चकलेटी लुक्समा नभएर गाउँले सामान्य युवकको भूमिकामा देखिने भएका छन् । लामो कपाल, दारीसहितका उनी गाउँले पोसाकमा देखिएका छन् । 

यसअघि ‘प्रकाश’मा प्रदीपले पहिलोपटक चरित्र अभिनेताका रूपमा काम गरेका थिए । 

‘पुजार सार्की’मा प्रदीपसँगै आर्यन सिक्देल र पल शाह पनि मुख्य भूमिकामा छन् ।