काठमाडौं । बंगलादेश–नेपालमैत्री समाजको आयोजनामा बंगलादेश र नेपालका साहित्यकारहरू सम्मिलित चार दिने साहित्यिक कार्यक्रम सम्पन्न भएको छ । उक्त साहित्यिक कार्यक्रममा नेपाल स्रस्टा समाजका अध्यक्ष श्रीओम श्रेष्ठ रोदन र संरक्षक पवन आलोकले नेपाल र बंगलादेशबीच विद्यमान भाषा, साहित्य र कलाका सम्बन्धमा आफ्नो धारणा राखेका थिए । 

कार्यक्रममा बंगलादेश नेपाल फ्रेन्डसीप सोसाइटीका अध्यक्ष लायन मोसिउर अहमद, नेपाली दूतावासका द्वितीय सचिव योजना बम्जन, सोसाइटीका सचिव सल्लाउद्दिन कुटुले दुई देशबीचको हार्दिकतापूर्ण सम्बन्धका बारेमा बोलेका थिए ।
 
बंगलादेशको कक्स बजार र ढाकामा सम्पन्न साहित्यिक कार्यक्रममा कविहरू डा. दिलारा हाफिज, शेली सेनगुप्ता, शफिउल आलम तालुकदार, मोमिन मेहदी, विमल गुहा, प्रा.डा. नजमा खान, डा. शान्तिमाया गिरी, लक्ष्मी रेशमीलगायतले आफ्ना कविता वाचन गरे ।
 
बंगलादेशका संसद् सदस्य अब्दुल्लाह अल कैसर हसनातको प्रमुख आतिथ्यमा सम्पन्न उक्त कार्यक्रममा बंगलादेश–नेपाल मैत्री समाजका अध्यक्ष लायन मोसिउर अहमद, इसाक हुसेन, मोहम्मद मोसिउर रहमान, महमुद खान बिजुले बोलेका थिए ।