काठमाडौं । चलचित्र अगस्त्य च्याप्टर–१’ को टिजर सार्वजनिक भएको छ । आगामी फागुन १८ गते रिलिज हुने चलचित्रको टिजरमा एक्सन दृश्य समेटिएका छन् । 

टिजरमा सौगात मल्ललाई प्रेमीदेखि ग्याङस्टार हुँदै सडकमा पुगेको देखाइएको छ । नाजिर हुसेसनको एक्सन पनि टिजरमा अटाइएको छ । 

चलचित्रले चेलीबेटी बेचबिखनको कथालाई उठान गरेको टिजरले संकेत गरेको छ । तर टिजरले फिल्मको कथालाई स्पष्ट खुलाएको छैन । 

सौरभ चौधरी निर्देशित चलचित्रमा सौगात र नाजिरसँगै निश्चल बस्नेत, मलिका महत, प्रमोद अग्रहरी, विजय बराल, रवीन्द्र झा, शिशिर बाङ्देल, सिम्रन खड्कालगायत कलाकार छन् । 

चलचित्रमा प्रकाश मल्ल, अनिश तामाङ र विनोद पौडेलको लगानी छ । चलचित्रको कथा पनि निर्देशक चौधरी स्वयंले लेखेका छन् ।